أم خليجية راحت تزور ولدها ( بهاء ) لمدة 3 أيام في لندن علشانه يدرس هناك...
وشافت إن ولدها ساكن مع وحده اسمها ( جيجي ) ...
هذي البنت متشاركه معاه بالغرفه .. زميله بالغرفه !!
ما عرفت وش اتسوي بس لاحظت إن ( جيجي ) اللي متشاركه مع ولدها بالغرفه حلوه و جذابه ،،،
فـ توقعت ان في علاقة بينهم وهالشي خلاها تحس بالفضوووووول الشديد
بهاء قدر يقرا أفكار أمه و تصرف بسرعه وقال لأمه : أنا عارف شاللي قاعده تفكرين فيه،
بس حبيت أطمنك إن انا و جيجي مجرد زملاء متشاركين بالغرفه لا أكثر ولا أقل !!!
__ . __ . __ . __
الأسبوع اللي وراه ... جيجي قالت لبهاء : من يوم سافرت أمك عنا
و انا فاقده الطاسه الفضيه حقت السكر ... تعتقد أمك خذتها معاها ؟
بهاء قال : أشك بهالشي، بس خليني ارسل لها ايميل عشان أتأكد
قعد و كتب الإيميل حق أمه :
أمي الحبيبه،
أنا ما أقول إنك ( خذيتي ) طاسة السكر الفضيه من بيتي ... ولا أقول إنك ( ما خذيتيها )
بس الحقيقه إن الطاسة الفضيه حقت السكر ضاعت من أول ما رجعتي الخليج
تحياتي 000 بهاء
بعد كم يوم وصل له رد أمه على الإيميل و الرد يقول :
عزيزي بهاء،
أنا ما أقول إنك ( تنام ) مع جيجي .. و لا أقول إنك ( ما تنام ) معاها ...
بس الحقيقه تقول.. إن لو هي صدق تنام في فراشها الخاص
كان لقت طاسة السكر الفضيه عليه من أول ما رجعت انا للخليج
تحياتي ...
ههههههههههههههههههههههههه الله يسلمه ويخلية ويوفقة شكد ذكي هههههههههههههههههه
موضوع: ولد يجذب على امه طلعت اذكى منه 