أحبك ؟؟؟
حب ما حبه على وجه البشر انسان
أحبك كلمةٍ اكبر من أني معك أنطقها
أحبك
والحقيقه فوق ماتصور الأذهان
أحبك يانظر عيني فداك الروح تملكها
أحبك
ما أظن أقدر على بعد الهوى لو كان
أحبك للأسف تجهل معان الحب أجملها
أحبك
لو تحس الي أحسه داخل الوجدان
وربي تحترق منّه ، أحبك صعب تفهمها
أحبك
لا تّجاهلني ترى حبي مثل بركان
وربي لاتجاهلته ... يجيب العالي أسفلها
أحبك
ما أظن ف يوم يطوي كلمتي النسيان
ترى النسيان مايقدر يخفّي لمستي منها
أحبك
والحنين الي غدى في داخلي سلطان
خلق لك من كلام الحب كلمه يستحي منها
أحبك
كلمه ماتروي عطش طفلٍ غفى ضميان
سكن في داخله شوقٍ ضلوع الصدر كسّرها
أحبك
كثر ماقالوا ترجّح كفة الميزان
أحبك ودي اسمعها ولو مره تلحنها ..!!
أحبك
كلمه مابيها تجي منّك فقط إحسان
أبيها احساس يوصلني قبل عقلك يرتبها
أحبك
قولها مره طلبتك قولها ولهان
طلبتك لاتخليني أنا محتاج أسمعها
أحبك ؟؟؟
موضوع: أحبك ؟؟؟ 