اكذب عليك ان قلت ماني بمشتاق
اكذب عليك ان قلت ماني بمشتاق...
واكذب عليك ان قلت حبك نسيته*
خل الكلام الي طعن صمت الاوراق...
يحكي لك الي ما نطقت وحكيته*
ناظر عيوني شوف تاثير الاشواق...
شوف الفرح وشلون بعدك جفيته*
كتفي يشيل من الزمن فوق ما طاق...
والضيق يرضابي وانا مارضيته*
الى متى وانا انتظر لحظه اشراق...
الى متى والحزن هالقلب بيته*
الى متى والهم ينحت بالاعماق...
واسقيه من فراقك دمع بكيته*
ياصاحبي شف خاطري ما بعد راق...
بنفس الطريق الي انتهى وابتديته*
ضاق الزمان وكل شي بعدك ضاق...
حتى القصيد الي بصدري احتويته*
عمر الشعر ما ضيق صدور الاوراق...
الضيق ضيقي لاكتبت وقريته*
تعبت اجمع ما بقالي من اشواق...
واقول ليت الوقت يفهم ياليته*
ياقو قلبك وانت محرقني احراق
ارفق بحال الي ذكرك ونسيته*
تدري عزاي ان حدك القلب تشتاق...
دور علي بكل درب مشيته*
يمكن تلاقي درب بدروب الفراق...
يجوز ربي كاتبه واهتديته*
ومدام ربي في يده قسمت الارزاق
انا اقتنعت بما كتبته ورضيته
تحياتي لكم